Projekti “G Space” është një apartament prej 100 metrash katrorë në një rezidencë në Tiranë, për klientë që kanë nevojë për një ambient minimalist dhe të ajrosur.
Koncepti kryesor ishte kapërcimi i kufizimeve hapësinore të një apartamenti standard të sapo ndërtuar - me tavanet e tij të ulëta dhe sipërfaqen kompakte - dhe krijimi i një ndjesie të thellë hapësire, drite dhe qetësie.
Frymëzimi u mor nga një etos minimalist, duke u përqendruar në një gamë materialesh të heshtura, mobilje të dizajnuara me porosi dhe objekte arti & korniza gipsi për të shtuar karakter pa rrëmujë vizuale.
Paleta e materialeve është e kufizuar qëllimisht për të arritur një atmosferë të lehtë dhe kohezive. Boja plastike mat në krem me pak nuancë gri të çelët unifikon muret & tavanin. Mermeri natyral “Exotique Calcatta” u përdor strategjikisht si një theks kyç, duke u shfaqur në banakun e kuzhinës dhe në një lavaman karakteristik.
Mobiljet e dizenjuara përfshijnë tekstura neutrale dhe minimaliste , duke siguruar një ndjesi ngrohtësie dhe finesë në çdo dhomë.

Objekti simbolizohet nga implementimi i materialeve të veçanta, ku gurët janë gdhendur dhe formësuar në format dhe përmasat e veta unike, duke e bërë këtë proces një element dallues dhe identitet kryesor të projektit.

Detaje të tjera, si ballkone të vogla me dalje të shtrirë rreth 50 cm, krijojnë hapësira intime të jashtme pa ndërhyrë në volumet elegante të fasadës.

Dritaret me ngjyrë i japin fasadës ritëm dhe ndriçim të butë, duke nxjerrë në pah karakterin klasik, ndërsa kangjellat prej hekuri të punuar përbëjnë një detaj dekorativ që dialogon me estetikën provinciale.